لمتنا عـ الطبلية وونسنا لمبة جاز .. مطابخنا قالبين طوب .. وحبة حطب ..
ولا عرفنا يوم بوتاجاز .. تعليمنا كان جد .. مصروف جيبنا كان ع الأد ... شنطتنا كيس قماش ... كان التسامح راية ولا عرفنا قطن وشاش ... آه يا زمن غشاش ...رغم الشقا والفقر كنا بنغفل ... وفـ زمن النعيم والترف تحس الكل عـ الكل ب يريل ... صعبان عليَ الفلاتر يا زمن تسريب ... يا مفلتر الفلاتر تمم ع الضمير والجيب ... وكفاياك خرخره ده اللي اختشوا ماتوا عيب .... يا مشخصاتي شخص ليه رغم كتر الفلاتر الكل بـ يسرب .... والقرش ف جيب الغلبان يا خلق متكهرب ... وكل ما يهل موسم يتمنى ما يقرب ...قلب فـ الدفاتر بسرعة ده ربك قال يوم الحساب قرب
(( حبة فتات من زمن فات ))
(( حبة فتات من زمن فات ))
No comments:
Post a Comment